9 Dekabr 2021,18:07 341
Chop etish

Poytaxtimizning Sergeli tumanidagi fuqarolar yig‘inlari xodimlarining joriy yilning noyabr oyiga tegishli ish haqi pullari berilmayotganligi xususida ijtimoiy tarmoqlar orqali tarqalgan xabarga munosabat

Mazkur xabar yuzasidan Toshkent shahar Mahalla va oilani qo‘llab-quvvatlash boshqarmasi tomonidan olib borilgan o‘rganishlar davomida quyidagilar aniqlandi.
O‘zbekiston Respublikasi Prezidentining “Fuqarolarning o‘zini o‘zi boshqarish organlari xodimlarini ijtimoiy qo‘llab-quvvatlashga doir qo‘shimcha chora-tadbirlar to‘g‘risida” 2021 yil 18 oktabrdagi PF-6324-sonli Farmoniga ko‘ra qabul qilingan Toshkent shahar hokimi hamda hamda Sergeli tumani hokimining tegishli qarorlariga asosan, 2021 yil 1 noyabrdan boshlab tumandagi fuqarolarning o‘zini-o‘zi boshqarish organlari xodimlarini rag‘batlantirish, ularga buxgalteriya xizmatini ko‘rsatish vazifasi tuman hokimligidan tuman mahalla va oilani qo‘llab-quvvatlash bo‘limi zimmasiga yukaltilgan. Kuzatilgan mazkur tashkiliy o‘zgarish sabab mahalla xodimlariga ish haqi va boshqa to‘lovlarni to‘lash muddati kechikkan.
Olib borilgan tezkor choralar natijasida joriy yilning 9 dekabr kuni Sergeli tumanidagi fuqarolar yig‘inlari xodimlarining 2021 yil noyabr oyiga tegishli ish haqi va boshqa qo‘shimcha to‘lovlar, shuningdek, bir guruh xodimlarga 11 oylik yakunlari bo‘yicha oylik maoshlariga 30% miqdoridagi ustama haqi to‘liq to‘lab berildi.
Sergeli tumani mahalla va oilani qo‘llab-quvvatlash bo‘limi mas’ullari ishtirokida mahalla xodimlarining murojaatlariga jiddiy munosabatda bo‘lish hamda o‘zaro muloqot madaniyatiga qat’iy rioya etish yuzasidan tushuntirish ishlari olib borildi.

Toshkent shahar Mahalla va oilani qo‘llab-quvvatlash boshqarmasi

Call-center
Нажмите на кнопку ниже, чтобы прослушать текст Powered by GSpeech